Пандемијата на коронавирус може да ја уназади рамноправноста на половите за 25 години, покажуваат податоци на UN Women. Имено, поради последиците од ковид-19, жените вршат многу повеќе домашни работи.

– За една година може да загубиме сè за што се боревме во последните 25 години, изјави заменик-извршната директорка на UN Women, Анита Батиа.

Таа предупреди дека жените можат да имаат полошо ментално и физичко здравје поради пандемијата, како и помалку можности за вработување и за образование.

Се проценува дека жените ширум светот, дури и пред пандемијата, вршеле околу три четвртини од 16 милијарди часа неплатена работа секој ден.

Тоа значи дека за секој час неплатена работа на мажи, жените одработиле три часа. Сега тој број на часови е уште поголем.