Украинските воздухопловни сили рано утринава загубија борбен авион Су-27 за време на сложена борбена мисија, објави „Украинска правда“, повикувајќи се на соопштение на украинските воздухопловни сили.

Инцидентот се случи за време на операцијата за обезбедување воздушна поддршка на украинските сили и одбивање на напади од руски беспилотни летала. Специјално формирана комисија започна истрага за причините за падот. Пилотот успешно се катапултирал, а спасувачката екипа брзо пристигнала на местото на слетувањето. Пилотот е пренесен во болница на дијагностика, а неговата состојба е стабилна и не е во животна опасност, пренесува Правда.

Су-27 (име на известување на НАТО: Фланкер) е повеќенаменски ловец од четврта генерација, развиен во Советскиот Сојуз кон крајот на 20 век. По распадот на СССР, производството на овој тип авиони продолжи во Русија.