УКИМ кампус
Кампус на општествени науки на УКИМ / Фото: EPA-EFE/GEORGI LICOVSKI

УКИМ годинава испадна од листата најдобри 2.000 универзитети во светот

Државниот Универзитет „Св. Кирил и Методиј“ од Скопје не е дел од листата на 2.000 најдобри универзитети во светот за  2025 година, објавена од  Центарот за рангирање на светски универзитети (CWUR).

Според листата, петте најдобро рангирани универзитети во светот, се универзитетите Харвард, МИТ и Стенфорд од Соединетите Американски Држави, Кембриџ и Оксфорд од Велика Британија.

Универзитетот во Белград пак, е позициониран на 387-то место на табелата. На веб-страницата на CWUR е наведено дека Универзитетот во Белград е меѓу 1,9 проценти од најдобро рангираните високообразовни институции во светот.

Според критериумите на Центарот за рангирање, клучните елементи за рангирање на универзитетите според листата се квалитетот на образованието (25 проценти), вработувањето на поранешните студенти, квалитетот на наставниот кадар, истражувачките перформанси, научните трудови, висококвалитетните публикации, влијанието и цитатите.

CWUR е консултантска организација која од 2012 година објавува ранг-листа од 2.000 најдобри глобални универзитети од 2012 година.

УКИМ рангиран на 1.990 место од 2.000 најдобри универзитети во светот

 

Минатата година, УКИМ беше рангиран на на 1.990 место.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот