Под влијание на влажна и нестабилна воздушна маса, утре времето ќе биде променливо облачно и нестабилно, со локален пороен дожд и грмежи, соопшти Управата за хидрометеоролошки работи (УХМР). На некои места се очекува изолирана појава на невреме со пообилен пороен дожд над 15 литри на метар квадратен за кратко време и засилен ветер над 60 километри на час.

Во петок ќе следи преодно стабилизирање на времето, додека во сабота ќе има изолирана нестабилност. Во недела повторно се очекува нестабилно време на повеќе места, со локален дожд и грмежи, а на одредени подрачја и поинтензивни процеси.

Во Скопје се прогнозира променливо облачно време, попладне нестабилно со пороен дожд, грмежи и засилен ветер, а во делови од котлината може да се појави краткотрајно невреме.