Претседателот на УФЦ, Дејна Вајт, вчера откри дека е многу блиску до изнајмување или купување на приватен остров на кој непречено би се одржувале борбите и потврди дека УФЦ 249 приредбата ќе се одржи во предвидениот термин, 18. април.

Вајт и УФЦ успеаја да пронајдат подобро решение од приватниот остров и тоа на локација во САД иако на сила е забрана за сите спортски активности.

„Њујорк тајмс“ пишува дека УФЦ 249 приредбата ќе се одржи во Калифорнија, поточно во Тачи Палас казино ресорт. „Финтата“ е во тоа што локацијата на казино ресортот е во сопственост на индијанското племе Тачи-Јокут, односно е на федерално признатата заедница Санта Роса, а тоа значи дека не е под јурисдикција на американските федерални власти.

#UFC249 will take place at the Tachi Palace Resort and Casino, near Fresno, Cali., on tribal land owned by the Tachi-Yokut tribe, which does not fall under the jurisdiction of the Californian authorities.

22 WEC events were hosted at the resort.

Your thoughts?#UFC #MMA #FPMMA pic.twitter.com/ftSluJcTR3

— Front Page MMA (@FrontPageMMA) April 8, 2020

Казиното е затворено од 20 март поради пандемијата на коронавирусот, но се поизгледно е дека сопствениците и УФЦ се наоѓаат пред конечен договор и УФЦ 249 приредбата ќе се одржи во предвидениот термин.

THE WHOLE CARD ?

See you on ESPN+ PPV. #UFC249 pic.twitter.com/J8jPBENMrs

— UFC (@ufc) April 7, 2020

На УФЦ 249 нема да настапи шампионот во лесна категорија, Хабиб Нурмагомедов бидејќи се наоѓа во родната Русија и не смее да ја напушти државата поради државниот карантин. Противникот на Хабиб, Тони Фергусон во главната борба ќе се бори против Џастин Гетје.