Европската фудбалска федерација на утрешниот состанок ќе ја разгледа можноста за укинување на според многумина најглупавото правило во европските купови кое беше воведено за да се форсира атрактивен напаѓачки фудбал и кое требаше да донесе повеќе голови.
Станува збор за правилото за гол во гости против кое се речиси сите клубови и тренери.
Токму ова правило на гол во гости во последните неколку години одлучуваше за победникот, оваа сезона Баерн Минхен и Јувентус испаднаа поради ова правило, Тотенхем пред две години се пласира во финалето на ЛШ поради правилото на гол во гости и против Манчестер сити и против Ајакс.
Еден од најголемите заговорници против ова правило е поранешниот менаџер на Арсенал, Арсен Венгер.
– Ова правило е безмислено, фудбалот многу се промени и сега гол во гости е преголема предност – смета Венгер.
Истото мислење го делат најголем дел од тренерите, по што заменик генералниот секретар на УЕФА, Џорџо Маркети уште пред три години ги најави промените.