Реванш натпреварот од осминафиалето во Лигата на шампионите помеѓу ПСЖ и Борусија Дортмунд ќе се игра пред празни трибини поради епидемијата на коронавирусот, а такво сценарио се очекува и на уште неколку натпревари.

Париската полиција потврди дека натпреварот помеѓу ПСЖ и Борусија Дортмунд да се игра без гледачи.

Француската влада воведе забрана за одржување на настани каде може да има повеќе од 1.000 луѓе за да го спречи ширењето на коронавирусот. Во Франција до денеска се регистрирани 1.209 лица заразени со коронавирус, што е втор најголем број во Европа по Италија (7.375). Првиот натпревар заврши со триумф на „милионерите“ од 2:1.

Натпреварот помеѓу ПСЖ и Борусија Дортмунд треба да се игра во среда заедно со натпреварот Ливерпул – Атлетико Мадрид, а утревечер се среќаваат Лајпциг – Тотенхем и Валенсија – Аталанта.

Без гледачи ќе се игра уште еден натпревар во осминафиналето во ЛШ помеѓу Валенсија и Аталанта, а постои голема можност и Барселона идната недела против Наполи да игра на празниот „Камп Ноу“.