Колегите на убиената руска новинарка Ана Политковскаја денеска ги критикуваа властите во Русија зошто не ги открија нарачателите на убиството, неведувајќи дека официјалната истрага во суштина е запрена.

Политковскаја, наградувана во странство за известувањето за злоупотребите на човековите права во руската република Чеченија, убиена е пред точно 15 години во Москва, во лифтот од зградата каде живеела.

Московскиот суд во 2014 година го осуди сторителот и уште тројца Чеченци вмешани во убиството на Политковскаја, како и поранешен полицаец од Москва како нивен соучесник.

Друг полицаец вмешан во убиството се договори со властите да соработува, поради што доби помала казна.

Вработените во весникот Новаја газета, за кој работеше Политковскаја, денеска ги критикуваа властите дека не утврдиле кој го наредил убиството, и укажаа дека според важечките одредби налогодавачот не може да биде казнет кога од злосторството ќе поминат повеќе од 15 години, освен ако судот не одлучи поинаку.

Уредникот на весникот Новаја газета Дмитриј Муратов рече дека потрагата по налогодавецот одамна е запрена, иако властите глумат дека е во тек.

„За жал, нема истрага која е во тек. Ние дури и не знаеме ни кога истражителот последен пат го допрел тој кривичен предмет“; рече Муратов за Асошиејтед прес.

Запрашан за неуспехот на властите да го пронајдат налогодавачот на убиството, портпаролот на Кремљ Дмитриј Песков рече дека таквите напори бараат многу време.

„Приоритетна задача ни е да обезбедиме несомнено казнување на таквите злосторства“, им рече Песков на новинарите, одговарајќи на прашањето дали Кремљ ќе поддржи укинување на одредбата за неказнивост на налогодавачот по истекот на 15 години.

Извор: Бета