Убиство вечерва се случи во Струга, откако 39 годишниот маж во семејниот стан си ја убил пет години помладата сопруга. Во 19:15 часот пријавено е дека во Струга, на ул. „Ристо Крле“ при расправија со својот сопруг, С.Р. (1987г.) од убод од нож е повредена и им подлегнала на повредите, информира портпаролот на СВР Охрид, Стефан Димовски. Младиот брачен пар имале и малолетни деца.

Смртта ја констатирала екипа на итната медицинска помош. Во инцидентот повреден е Ј.Р. (1982г.).

Неофицијално, најпрво мажот со нож ја заклал сопругата, а потоа се обидел да се самоубие. Сопругот е пренесен во болница и е во животна опасност.

Истражните органи работат на расветлување на случајот.