Фудбалерот Пабло Мари денес пуштен од болница, три дена откако беше повреден во нападот со нож во Милано.

Покрај шпанскиот фудбалер во нападот беа повредени уште три лица, а животот го загуби една жена. Полицијата брзо го уапси 46-годишниот маж осомничен за нападот. На Мари кој игра на позајмица во Монца од Арсенал му беше направена операција на грбот, исто така имал и повреда на устата.

Според првичните информации надвор од терените би требало да биде два до три месеци. Монца денес потврди дека 29-годишниот фудбалер е пуштен од болница, но дека ќе му треба период на мирување.

Во соопштението се наведува и дека неговите соиграчи утре против Болоња ќе носат специјални маици на кои ќе пишува „врати се побрзо Пабло“. Денес нешто слично направија и фудбалерите на Арсенал кога славеа гол против Нотингем Форест во Премиер лигата.