Од МВР инфорфмираат дека вчера на територија на Тетово и околните села биле уапсени три мажи на возраст од 34 до 45 години кои во три одделни случаи биле затекнати како ги управуваат своите возила со брзини кои достигнувале и до 100 километри над дозволеното.

-На 15.06.2025 во Тетово, полициски службеници од Полициска станица за безбедност на патниот сообраќај Тетово лишиле од слобода три лица од Тетово и тетовско затоа што управувале возило со брзина поголема од максимално дозволената- велат од МВР.

Вчера изутрина, полицијата уапсила 34-годишен маж од тетовското село Боговиње бидејќи тој со својот автомобил „бмв“ возел со брзина од 153 километри на час на место каде било максималната дозволена брзина била 80 километри на час.

На патот Тетово-Гостивар, пак, вчера во 17.40 часот бил уапсен 45-годишниот Ш.Ф. од Тетово откако полициски службеници со радар измериле дека управувал патничко моторно возило „бмв“ со брзина од 180 километри на час, што било 100 километри над максималната дозволена брзина на тоа место.

Десет минути подоцна, повторно на патот Тетово-Гостивар, полицијата го уапсила 36-годишниот И.С. од тетовското село Порој кој со својот автомобил „ауди“ возел со брзина од 153 километри на час на место каде што максималната дозволена брзина е 80 километри на час.

Додека, во 10.19 часот полициски службеници го лишиле од слобода Ф.И.(34) од с.Боговиње, тетовско. При сообраќајна контрола надвор од населено место во Тетово, било констатирано дека управувал патничко возило „бмв“ со тетовски регистарски ознаки со брзина од 153 километри на час на место каде што максималната дозволена брзина е 80 километри на час.

Од полицијата додаваат дека сите несовесни возачи биле приведени во полициска станица и по целосно документирање на случаите против нив ќе биде поднесена пријава за безобѕирно управување на моторно возило.