Полицијата попладнево привела петмина осомничени дека за време на фудбалски натпревар на подрачјето на скопски Аеродром нападнале неколкумина гледачи, фрлајќи со камења кон нив, соопшти МВР.

– Полициски службеници од Единицата за насилен криминал при СВР Скопје денеска ги лишија од слобода И.М., Д.М., Б.М., Ѓ.Н. и Н.М. по претходна пријава од Е.С. од село Коњари дека петмината насилници пред два дена околу 15 часот за време на фудбалски натпревар на фудбалски терен на подрачјето на општина Аеродром ги нападнале него и други гледачи, фрлајќи со тврди предмети кон нив, соопшти МВР.

Со приведените, како што додаваат, е извршен службен разговор во полициска станица и известен е јавен обвинител, а по документирање на случајот ќе биде поднесена кривична пријава поради основано сомнение за извршено кривично дело „насилство”