Израелската полиција уапси 70-годишна жена под сомнение дека планирала атентат врз премиерот Бенјамин Нетанјаху, соопшти Канцеларијата на портпаролот на полицијата, пренесува Тајмс оф Израел.

Осомничената, позната по својот антирежимски активизам, наводно изразила намера да го убие премиерот и се обидела да дојде до оружје.

Полицијата соопшти дека жената стапила во контакт со други активисти и се распрашувала за детали околу безбедносниот протокол на Нетанјаху.

„Остро го осудувам обидот за атентат. Мора да се преземат сите законски мерки против секој што ќе се обиде да му наштети на премиерот“, изјави лидерот на опозицијата, Јаир Лапид.