МВР информира дека синоќа околу полноќ, на локалниот пат меѓу Идризово и клучката за Кадино, полицајци од МЕБПС го уапсиле Д.П.(48) од скопското село Мралино.

„При вршење на контрола од страна на полициските службеници му било дадено знак за да застане со возилото кое го управувал, но тој продолжил да вози и удрил во еден од полициските службеници“, велат од МВР:

Возачот потоа застанал со автомобилот и се вратил, продолжувајќи со агресивно однесување, по што бил уапсен, велат од полицијата.

МВР најавува дека по целосното документирање на случајот, ќе следува соодветна пријава.