Вчера околу полноќ во Скопје бил уапсен 44-годишен државјанин на Албанија, кој бил пријавен дека претходно оштетил два автомобила во населбата Гази Баба, информираат од МВР.

„На 18.05.2025 во 23:50 часот во Скопје, полициски службеници од СВР Скопје го лишиле од слобода А.Б.(44) од Република Албанија, постапувајќи по претходна пријава дека околу 23:30 часот на подрачјето на Гази Баба, со употреба на физичка сила, оштетил две патнички возила „ауди“ и „фолксваген кеди“, двете со скопски регистарски ознаки, во сопственост на С.А.(59) од Скопје. По целосно документирање на случајот ќе следува соодветна пријава“, велат од полицијата.