Кумановската полиција вчера попладне приведе 19-годишно момче кој поседувал пишточ, а бил забележан со малолетно 14-годишно девојче кое било пријавено како исчезнато откако се одалечило од нејзиниот дом.

– Вчера во 15:20 часот, полициски службеници од СВР Куманово го лишиле од слобода А.С.(19) од Куманово. При преглед кај него било пронајдено огнено оружје и со него била затекната 14-годишна девојка за која вчера беше пријавено дека се оддалечила од нејзиниот дом – информираше СВР Куманово.

Тој бил приведен во полициска станица и по целосното документирање на случајот, против него ќе следува соодветна пријава.

Претходниот ден, триесет и четиригодишната А.Ф. пријавила во полицијата дека нејзината, сега веќе пронајдена, 14-годишна ќерка се оддалечила од нивниот дом.