Од петок (5 септември) во 10.00 часот започнува продажбата на влезници за квалификацискиот натпревар на младата фудбалска репрезентација на Македонија до 21 година против Италија, кој ќе се одигра на 9 септември на стадионот „Петар Милошевски“ во Битола.

Влезниците по цена од 200 денари можат да се купат он-лајн преку eticket.ffm.mk и во продажните места на Димпо Тобако во Битола.

После цели 31 година, Македонија повторно игра во Битола. Прв и последен пат тоа беше во 1994 година, против Шпанија, токму со репрезентациите до 21 година.

Поддржете ги младите надежи во големиот дуел против репрезентацијата на Италија во групата Е од квалификациите за пласман на Европското првенство 2027 година.

Нашите фудбалски надежи ќе го почнат квалификацискиот циклус на гости в сабота (5 септември) во Краков против Полска (18.00 часот).