Женската фудбалска репрезентација на Македонија до 16 години забележа победа минимална со 1:0 против соодветната селекција на Грузија во рамките на вториот натпревар од УЕФА развојниот турнир што се одржува во Албанија.

Елена Наумовска беше херојот на Македонија, со нејзиниот погодок во 85 минута, успеавме да славиме тешка победа над Грузија. Двете селекции одиграа доста борбен натпревар во кој беа пропуштени неколку изгледни прилики за гол.

Ова е втора победа за нашите фудбалски надежи на овој контролен турнир, по стартниот триумф над Бугарија во првото коло по подоброто изведување на пенали.

Во последното коло, кое е на програмата на 18 април ќе играме со домаќинот Албанија. Овој натпревар ќе започне од 15.00 часот.

Македонија У16: Евгенија Велјановска, Лина Мицовска, Тамара Лазеска, Арба Мерко, Розита Пецева, Елена Мацевска, Ана Марија Цветковска, Ема Наневска, Нина Манасиева, Ихдина Речи, Сара Димитровска. Селектор: Катерина Милеска.