Македонската фудбалска репрезентација за играчи до 16 години денеска во полуфиналето на меѓународниот турнир „Милан Миланиќ“ во Стара Пазова загуби од домаќинот Србија со 2:0 (1:0).

Стрелци на головите за српската селекција беа Буцал во шестата и Гициќ во 52 минута.

Со истиот резултат во второто полуфинале Црна Гора славеше против Унгарија.

За У16 Македонија настапија: Грчевски, Темелков (86. Јорданов), Џангаровски, Спасески, Исламовиќ, Лацка (77. Бошковски), Ракипи, Масев, Амети (20. Ф. Цветковски), Папалиски, Иљазовски (60. А. Цветковски).

Натпреварот за третото место помеѓу Македонија и Унгарија ќе се игра на 10 април со почеток од 14.00 часот, а истиот ден е финалето од 16.30 часот помеѓу Србија и Црна Гора.