Творците на комичната серија „Пријатели“ („Friends“), Марта Кофман и Дејвид Крејн, и режисерот Кевин Брајт се огласија по повод ненадејната смрт на ѕвездата на серијата, Метју Пери.

Оддавајќи му почит, тие ја пофалија неговата работа во популарниот ситком и улогата на Чендлер Бинг, која само тој можеше да ја одигра.

Во заедничката изјава што ја споделија со „Ентертејнмент викли“, тие рекоа:

„Сè уште ни делува невозможно. Сè што можеме да кажеме е дека се чувствуваме благословени што тој во даден момент беше дел од нашите животи. Тој беше брилијантно талентиран. Клише е да се каже дека еден актер ја прави улогата своја, но во случајот на Метју – нема повистинити зборови. Од денот кога го слушнавме како Чендлер Бинг, за нас немаше никој друг“, рекоа тие.

Инаку, актерот Метју Пери ненадејно почина на 54-годишна возраст. Како што објави Ти-ем-зи, повикувајќи се на издржани извори, Пери наводно бил пронајден мртов во неговата хидромасажна када во саботата, а како причина за смртта е наведено „давење“. Исто така, беше соопштено дека не била пронајдена дрога во неговиот дом.

„Секогаш ќе ја цениме радоста, светлината, блескавата интелигенција што ја внесуваше во секој момент – не само во работата, туку и во животот. Секогаш беше најсмешната личност во просторијата. Тој беше најсладок, со огромно и несебично срце. Ја испраќаме нашата љубов до неговото семејство и пријателите“, велат тие.

Метју Пери снимен на улиците на Беверли Хилс, фановите загрижени: Тој изгледа запуштено