Претседателот на Европскиот совет Доналд Туск изјави на 74-та седница на Генералното собрание на ОН дека идејата за „неизбежен судир на патриотизам и глобализам е лажна и опасна”. Со тоа реагираше на изјавата на американскиот претседател Доналд Трамп пред два дена дека иднината им припаѓа на „патриотите”, а не на „глобалистите”.

Туск прецизираше дека „патриотизмот од 21 век мора да има глобална димензија”.

Туск нагласи рече дека глобализмот е составен од лидери од минатото кои „ги игнорираат сопствените национални интереси”.

Туск, сепак, потсети дека историјата покажува како љубовта кон нечија земја лесно се претвора во омраза кон соседите.

Тој, сепак, не го спомна името на Трамп, кој беше најгласен меѓу лидерите кои зборуваа на популистички и националистички теми на ГС на ОН оваа недела.

Туск во својот говор рече дека наместо терминот глобализам подобро би го употребил терминот солидарност, што било името на про-демократското движење во неговата Полска во осумдесеттите години на минатиот век.