Турската фудбалска федерација ја преполови суспензијата на два натпревари на тренерот на Фенербахче, Жозе Мурињо и му ја намали казната откако беше уважена жалбата на клубот од Истанбул.

Мурињо е суспендиран на два меча, а откако го пропушти Куп натпреварот против Газиантеп, нема да го води тимот в недела на шампионатот против Анталијаспор.

Намалена е и казната, па наместо 44.000 долари, ќе треба да плати нешто повеќе од 15.000 долари, објави Би-Би-Си.

Турската фудбалска федерација го суспендираше Мурињо на четири натпревари и го казни со 44.000 долари за неговите коментари за судиите по ремито 0-0 со големиот ривал Галатасарај во турската лига во понеделникот.

Федерацијата потоа објасни дека го казнила Мурињо за погрдни и навредливи изјави кон турски судија и обвинувања за хаос и неред во турскиот фудбал преку навредливи изјави, како кон турската фудбалска заедница, така и кон сите турски фудбалски судии.