Турската авиокомпанија Туркиш ерлајнс објави дека донела одлука дека нема да превезува ирански или израелски државјани на летовите за Сирија.

Изјавата на компанијата дојде набргу откако Туркиш ерлајнс објави дека од следната недела ќе ги обнови летовите кон сириската престолнина Дамаск, што ќе бидат први летови на компанијата за оваа земја по 14 години.

Извршниот директор на компанијата Билал Екси изјави дека компанијата ќе реализира летови три пати неделно, почнувајќи од 23 јануари.

„Се враќаме во Дамаск“, рече Екси, објави Кликс.ба. Сепак, беше наведено дека на овие летови ќе важат посебни правила.

„Во согласност со неодамнешните одлуки на властите во Сирија, воспоставени се одредени правила за патниците кои влегуваат во Сирија. На граѓаните на сите земји освен Израел и Иран им е дозволен влез во земјата“, соопшти компанијата.

Либанските граѓани, пак, ќе можат да влезат во земјата доколку нивните родители се сириски државјани. Медиумите и новинарите генерално подлежат на посебна дозвола за влез“, посочуваат од авиокомпанијата.