Турција започнува со изградба на ѕид долг 8,5 километри на западната граница со Грција за да ги заштити своите граници, изјави гувернерот на турската западна провинција Едрене, Јунус Сезер.

Сезер на прес-конференција рече дека Турција ќе продолжи да го гради граничниот ѕид во согласност со понатамошниот развој на ситуацијата, пишува турскиот весник „Дувар“, објавија дел од медиумите од регионот.

Градоначалникот на Едрене истакна дека локалната администрација во септември минатата година изградила 325 километри патишта долж границата со Грција, а дека годинава продолжиле работите на изградба на електрооптички столбови, како и други мерки за заштита на границата со поддршка на министерствата за внатрешни работи и одбрана.