Турската воздухопловна компанија ТУСАШ ќе произведува делови за најшироко користениот авион во цивилното воздухопловство – Ербас А320. Ова е предвидено во договорот потпишан денес меѓу двете компании за време на Парискиот аеро-шоу, објави турската државна телевизија ТРТ Хабер. Новиот договор предвидува производство на дел што помага во контролата на авионот.

Покрај тоа, ТУСАШ ќе произведува метални делови за сите товарни авиони Ербас А350Ф. Досега, Турција произведуваше основни делови за други модели на Ербас, а Парискиот договор е нов чекор во односите меѓу двете компании, со што „ТУСАШ“ се приближува кон целта да биде еден од неопходните глобални играчи во оваа индустрија, пренесува БТА.