Во Македонија дури и ДКСК, која е светла точка во борбата против корупцијата, почна да тривијализира прашувајќи министер од каде му се парите за билет за фудбалски натпревар во Италија.

-Две компоненти се важни – дали јас службено сум патувал за Палермо и кој ги платил трошоците. За првото одговорот е не, а трошоците се платени од мојата лична трансакциска сметка, вели министерот за правда проф. Никола Тупанчески за Утрински брифинг.

Тупанчески вели дека ниедна законска ни етичка норма не е прекршена со неговото патување во Италија на фудбалски натпревар. Тој вели дека владата има етички кодекс во кој меѓу другото се дефинираат патувања на службените лица.

-Јас не сум користел буџетски средства, не сум користел службено возило, не сум користел обезбедување, а трошоците сум ги покрил сам. Јас сум голем фудбалски фан. За Португалија нема да одам оти заменикот министер нема да биде тука, па не е во ред министерството да остане така. А има чартер летови на еден ден, вели Тупанчески.

Тупанчески: Треба да се преземе нешто радикално за да се промени лошата перцепција кон судскиот систем