Убава вест за иднината на македонскиот олимписки врвен спорт, Теодор Стојановски и Ведрана Тунески се наоѓаат на врвот на европската ранг листа во кадетска конкуренција во олимпискиот спорт Таеквондо.

Стојановски и Тунески се двајца членови на Таеквондо клубот Бутел, младински државни олимписки надежи и таеквондо репрезентативци.

Стојановски е втор на официјалната европската кадетска ранг листа во неговата категорија -49 кг. со големи спортски успеси во последните две години и освоени медали од официјално рангирани турнири.

Тунески е петта на официјалната европска кадетска ранг листа во нејзината категорија -41 кг.

Таа е бронзен медалист на европско пионерско првенство и реди големи успеси од официјално рангирани турнири.