Филип Блажевски и Ведрана Тунески двајцата македонски репрезентативци и членови на Таеквондо клубот Бутел, денеска во Ниш, Србија на квалификацискиот Е3 турнир обезбедија две квалификациони норми за младинското финално Град При кое ќе се одржи во Букурешт, Романија на крајот на годината.

Блажевски во јуниорска конкуренција, во категоријата -68кг запиша две победи над натпреварувачи од Хрватска и Грција, и така обезбеди бронзен медал и квалификациска норма.

Тунески кај кадетките во категоријата -41кг оствари две победи над Хрватска и актуелната кадетска светска шампионка од Италија, и така дојде до бронзен медал и квалификациска норма.

Одличен триумф на овој најсилен Е3 турнир за младинско олимписко таеквондо, над 1000 натпреварувачи од 30 држави од целиот свет.

Перфектно се бореа Андреј Василевски, Дарко Георгиев и Теодор Стојановски. Сите тројца за малку не успеаја да освојат квалификациска норма за финалното младинско Гранд При.