Самиот збор туфахија доаѓа од арапскиот збор „tuffaha“ што значи јаболко. Пред да биде отомански, овој рецепт можеби бил персиски. Со освојувањата на светот, овој десерт се раширил во Турција пред да стигне во Босна и на остокот на Балканот.

Потребни состојки:

– 6 јаболка (многу цврсти)

За сирупот:

– 450 мл вода
– 700 гр шеќер
– сок од половина лимон, свежо исцеден
– половина лажичка екстракт од ванила

За филот:

– 110 гр топло млеко
– 150 гр ореви, мелени
– 50 гр несолен путер
– 2 лажици шеќер

За декорација:

– 250 мл шлаг
– 50 гр ореви

Начин на подготовка:

Излупете ги јаболката и внимателно задржете им ја формата. Зачувајте ги лушпите од 2 јаболка. Со помош на нож или лупалка, издлабете го јаболкото, но не целосно, за да подготвите мал отвор за филот. Задолжително отстранете ги сите семиња без да продупчите од другата страна.

Во тенџере истурете ја водата, шеќерот, екстрактот од ванила, сокот од лимон и корите од јаболката. Оставете да зоврие на силен оган и редовно мешајте. Намалете ја температурата на средна и додадете ги јаболката. Варете ги јаболката 5 до 7 минути (максимум) од двете страни. Времето за готвење ќе зависи од видот на јаболката и тенџерето. Погрижете се да не се преварат или јаболката нема да останат цврсти.Тргнете од оган. Нежно извадете ги јаболката од тенџерето и ставете ги на плех за да се изладат. Зачувајте го сирупот од тенџерето.

Во поголем сад, покријте ги оревите со топло млеко и оставете ги да отстојат 15 минути. Растопете го путерот на средна температура, додадете го шеќерот и добро измешајте. Додадете го во смесата со ореви и добро мешајте 2 минути. Наполнете го секое јаболко со околу 3 лажички фил. Прелијте го сирупот одозгора и остатокот чувајте го во фрижидер.

Изматете го шлагот. Одозгора полнетите јаболка украсете ги со шлаг. На нив нежно ставете орев без притискање на кремот. Послужете веднаш.

Далматински полумесечинки: Рафиоли се задолжителни колачиња на секој важен животен настан