Тројца мажи со српско потекло или со државјанство на Србија и една жена се ранети во вооружен напад во Берлин пред „шиш-барот“, чајџилница и нелегално казино, објави германската полиција.

Четворицата синоќа околу 23 часот биле пред бар на една од главните улици во популарен кварт во северниот дел на Берлин, кога од неколку автомобили биле испукани повеќе од дваесет куршуми.

Ниту еден од ранетите не е во животна опасност, изјавија берлинската полиција и обвинителството, а полицијата досега не уапсила никого.

Една од жртвите била погодена седум до осум пати во горниот дел од телото, се вели во изјавата на полицаецот од местото на настанот, пренесува германската агенција ДПА.

Агенцијата Франс прес исто така пишува дека судирите меѓу разни банди поврзани со трговија со дрога или проституција станале почести во последните неколку години во германскиот главен град.