Двајца прилепчани и битолчанец денеска се уапсени поради наводно намерно потпалување на дивата депонија на влезот во Прилеп, што предизвика голем пожар кој пожарникарите го гаснеа со часови.

Според МВР, тие ќе се гонат за предизвикување општа опасност. Од соопштението не може да се заклучи какви докази има полицијата за намерата на тројцата осомничени да ја потпалат депонијата.

„На 25.09.2025 во 10:30 часот во Прилеп, полициски службеници од ОВР Прилеп ги лишија од слобода Ф.М.(38) од Битола, М.С.(56) и А.Н.(23), двајцата од Прилеп. Тие се сомничат дека на 24.09.2025 во населба Тризла во Прилеп намерно предизвикале пожар на дива депонија. Пожарот бил локализиран од екипа на Територијалната против пожарна единица Прилеп. По документирање на настанот, против нив ќе следува соодветна кривична пријава“, велат од МВР.

ВИДЕО: Повторно гори ѓубре, сега во Прилеп – градот е обвиен во чадот од големиот пожар