Тројца осомничени шпиони во корист на Русија се уапсени во Британија и обвинети во голема истрага за националната безбедност, објави Би-Би-Си.

Обвинетите се бугарски државјани за кои се тврди дека работеле за руските безбедносни служби.

Тие биле задржани во февруари според Законот за службени тајни од детективи за антитероризам во лондонската полиција, која има полициска одговорност за шпионажа, се додава во извештајот.

Во пронајдените документи вклучуваат пасоши, лични карти и други документи за Британија, Бугарија, Франција, Италија, Шпанија, Хрватска, Словенија, Грција и Чешка.

Тројцата уапсени Бугари се Орлин Русев (45), од Грејт Јармут, Норфолк, Бизер Џамбазов (41), од Хароу, северозападен Лондон и Катрин Иванова (31) од истата адреса на Хароу. Тројката со години живела во Велика Британија, работела на различни работни места и живела во низа имоти во предградијата.

Русев имал историја на деловни зделки во Русија. Тој се преселил во Велика Британија во 2009 година и поминал три години работејќи со финансиски услуги. Неговиот профил на ЛинкдИн наведува дека тој подоцна поседувал бизнис вклучен во разузнавање сигнали, што вклучува следење на комуникациите или електронски сигнали.

Русев, чија последна адреса е приморска куќа во Грејт Јармут, исто така некогаш работел како советник на бугарското Министерство за енергетика. Во Хароу, поранешните соседи ги опишале Џамбазов и Иванова како мирен пар.

Џамбазов бил возач на брза помош, а Иванова работела како лабораториски асистент за приватен здравствен бизнис.

Двојката, која се преселила во Британија пред околу една деценија, раководела со организација на заедницата која обезбедувала услуги за бугарските луѓе, вклучително и нивно запознавање со „културата и нормите на британското општество“.

Според бугарските државни документи достапни на интернет, тие работеле и за изборните комисии во Лондон кои го олеснуваат гласањето на бугарските избори од граѓаните кои живеат во странство.