На барање на жителите на Трнодол и Жданец, на улиците во овие населби ќе се вози со максимално дозволена брзина од 30 километри на час. Веќе се поставени сообраќајни знаци на влезовите во двете населби со кои се ограничува брзината на движење на моторните возила на 30 км/ч.

-Новото сообраќајно правило ќе важи за сите улици во овие населени места со цел да се намали брзината на движење, а во исто време да се зголеми безбедноста на децата и на пешаците воопшто – велат од Општина Карпош.

Оттаму апелираат до сите возачи да ја почитуваат поставената сигнализација, со што и тие ќе придонесат за побезбеден сообраќај во општина Карпош..