Напаѓачот на женскиот национален фудбалски тим на САД, Тринити Родман (21), има многу познат татко. Тоа е контроверзната НБА-ѕвезда Денис Родман.

Тринити игра за репрезентацијата на САД исклучително по своја заслуга, а не затоа што татко и ја „туркал“. Всушност, татко и повеќе и одмогнал, одошто и помогнал во животот.

Тој се уште и должи околку еден милион долари на мајката на Тринити, Мишел Мојер, на која не и плаќал алиментација за детето.

– Татко ми си создал своја оставштина во спортот. Мојата цел е да бидам Тринити Родман и да си создадам моја приказна. Сега се повеќе луѓе велат „Тринити Родман“ а не „ќерката на Денис Родман“. Тоа веќе зборува многу – вели Тринити.

Тринити сама се пробивала низ младинските категории, а во 2022 година веќе била редовна членка на А-тимот на САД.