Во срцето на Европа се наоѓа еден од најнеобичните ентитети во светот – Редот на витезите на Малта. Оваа „земја“ нема територија, но има свој пасош, валута и поштенски марки. Сепак, уникатноста лежи во фактот дека само тројца луѓе во светот имаат пасош од овој ред.

Редот на Малта, основан во далечната 1099 година во Ерусалим, официјално бил признат како витешки и религиозен ред од страна на Папата во 1113 година. Низ историјата, тој менувал седишта, од Родос, па потоа Малта, но го задржал својот суверенитет иако денес нема своја територија.

Во моментов, Редот работи од два имота во Рим, од каде што ги издава своите дипломатски пасоши, печати валута и поштенски марки, па дури и има регистарски таблички. Сепак, само тројца луѓе поседуваат пасош на Редот на Малта: Големиот мајстор, неговиот заменик и канцеларот. Сите други членови ги користат пасошите на своите матични земји.

Иако нема територија, Малтешкиот ред е суверен субјект на меѓународното право, признаен од 112 земји и одржува дипломатски односи со 104 земји, вклучувајќи ги Русија, Шпанија и Америка. Интересно е што Велика Британија и Нов Зеланд не ги признаваат пасошите на овој ред.

Редот функционира како хуманитарна организација, а неговите членови и повеќе од 100.000 волонтери обезбедуваат медицинска помош, помагаат при катастрофи и работат на зачувување на христијанските вредности. Се финансира исклучиво од донации, подароци и партнерства.