И парови кои се во квалитетни врски често се наоѓаат во иста исцрпувачка расправија по четврти пат во еден месец. Ако ви е познато ова сценарио, не сте „виновни“ ниту пак вашата врска е осудена на пропаст. Најчесто недостасуваат само неколку практични вештини кои разговорите ги прават побезбедни, пофокусирани и решливи, пишува „Е-клиника“.

Тина Феј, основач на веб-страницата „Лав конекшн“ и експерт за врски, која со години советува парови во кризни ситуации, објаснува: „Повеќето парови не страдаат од недостаток на љубов, туку од недостаток на организација. Кога ќе научат неколку основни правила на комуникација, кавгите престануваат да бидат бескрајни, а партнерите конечно почнуваат да се разбираат“.

Во продолжение ги пренесуваме трите најважни лекции кои таа ги применува во својата пракса.

1. Регулација на емоциите пред да започне разговорот

„Не постои проблем во комуникацијата додека нервниот систем не е преплавен. Кога сте во состојба на стрес, мозокот преминува од нијанси во режим на преживување“, објаснува Феј.

Затоа логиката и „паметните“ реченици во сред расправија не помагаат. Телото доаѓа прво, зборовите дури потоа.

Практични чекори:

Именувајте ја својата состојба: „Сакам ова да помине добро, но моментално сум на раб на нерви“.

Воведете пауза: „Пауза од 10 минути, па се враќам во кујната“.

За време на паузата свесно смирете се: може да помогнат прошетка, побавно дишење, поглед во далечина, голтка вода.

Вратете се со „реченица за ресетирање“: „Благодарам за паузата. Подготвен/подготвена сум да се фокусираме на една работа.“

На овој начин се прекинува бескрајниот круг на истите кавги, а во разговорот влегува смирениот дел од вас.

2. Расправете за една работа, не за сè одеднаш

Најчеста грешка кај паровите е што во една расправија се обидуваат да решат пет теми: пари, целата минатост, пораки од свекрва, тонот на разговор и капакот на садот.

„Ниту еден нервен систем на возрасен човек не може сè тоа да го изнесе одеднаш“, вели Тина Феј.

Правило на една тема:

• Јасно дефинирајте: време, тон или тема.
• Фокусирајте се само на една работа: „Ајде сега да се договориме што ќе правиме во сабота?“
• Повторете што сте чуле: „Разбирам дека сакаш мирно утро по напорната недела. Добро ли сфатив?“

Преведете ги жалбите во потреби: зад секоја жалба стои желба за одмор, почит или поврзаност.

Зошто функционира: прецизноста ги намалува одбранбените ѕидови, а фокусот на еден проблем спречува преплавеност. Наместо напад на карактерот, добивате разговор за логистика.

3. Изградете систем за конфликти пред следната кавга

Парови во здрава врска немаат помалку конфликти – тие имаат побрзи и почисти „поправки“.

– Паровите имаат потреба од мал прирачник – заеднички план за моменти кога мозокот ќе откаже послушност – вели Феј.

Систем од три дела:

• Заштитни огради: правила како „нема расправии доцна навечер“, „една тема по разговор“, „без навреди“.
• Поправка: кратко признание за влијанието + валидирање + предлог за промена + мост кон продолжување.
• Нега отпосле: пет минути разговор за тоа што било добро досега и мал гест „помирување“ (чај, прошетка, филм).

На овој начин и бурните кавги завршуваат со поврзаност, а не со дистанца.

Двонеделен план за вежбање

Прва недела: вежбајте паузи и разговори во кои сте исклучиво фокусирани на една тема.

Втора недела: креирајте сопствени правила, увежбајте „поправки“ и додадете ритуал на смирување по конфликт.

„Не треба да бидете совршени, туку да правите мали, повторливи чекори. Тие со време стануваат основа на вашиот однос“, нагласува Феј.

Кога да побарате стручна помош?

Ако во врската се повторуваат предавства, презир, зависности или силно повлекување од комуникација – време е да се вклучи професионална поддршка.

„Не мора да бидете на работ на раскин за да побарате помош. Доволно е да сакате поинаков начин да бидете заедно“, порачува Феј.

Парови кои „премногу се расправаат“ не им треба магија, туку три едноставни работи:

• да ги регулираат емоциите пред разговор,
• да се фокусираат на една тема,
• да користат заеднички систем за решавање конфликти и нега после нив.

Кога овие правила се воведуваат доследно, тонот паѓа, почитта се враќа, а решенијата стануваат очигледни и заедничкиот живот повторно станува убав.