Тренерот на Надал смета дека Ѓоковиќ може да се пензионира доколку не се вакцинира
Тренерот на Рафаел Надал, Карлос Моја, смета дека Новак Ѓоковиќ може да се пензионира доколку не се вакцинира против коронавирус.
Препорачано
И покрај потврдата дека имаше прележано ковид-19, австралиските власти два пати му ја укинуваа визата на српскиот тенисер, случајот дојде до врховниот суд во Мелбурн, но на крајот Ѓоковиќ беше депортиран од Австралија и остана без можност да ја брани титулата на првиот годинешен гранд слем турнир.
Случајот со Ѓоковиќ го подели светот, по што се појавија разни шпекулации за можната иминузација на српскиот тенисер, односно дали планира да се вакцинира во иднина или не.
Отсуството на Ѓоковиќ во Мелбурн, го искористи Рафаел Надал да дојде до 21. грен слем титула и им избега на Новак и на Рожер Федерер коио останаа на 20 трофеи од најголемите и најпрестижните тениски турнири.
Моја смета дека Ѓоковиќ ќе мора да се вакцинира доколку сака да настапува на грен слем турнирите бидејќи има најави дека организаторот на УС Опен ќе бара задолжителна вакцинација против коронавирус да биде услов за учество на турнирот.
– Не мислам дека 21 гренд слем титула на Надал ќе го примора Ѓоковиќ да се вакцинира. Доколку Новак не се вакцинира, може да се случи повее да не игра на ниту еден грен слем турнир и да е откаже од тоа да направи кариера за која толку многу работеше и се бореше. Мислам дека Ѓоковиќ не е противник на вакцината против ковид-19, но донесе одлука да не се вакцинира. Неговата кариера е во опасност доколку не се вакцинира – вели Моја.
