Саво Милошевиќ денеска поднесе оставка од функцијата тренер на српскиот фудбалски клуб Партизан.

Медиумите првично објавија дека Милошевиќ поднел оставка бидејќи не можел да се договори за финансискиот дел од договорот со Работната група. Наводно, клубот барал и Милошевиќ да се согласи на намалување на платата, но не нашле заеднички јазик по ова прашање.

Доколку не дојде до пресврт и Милошевиќ не остане на функцијата шеф на стручниот штаб, Привремената комисија на Партизан ќе има сериозно тешка задача да најде адекватен човек за таа функција во сегашната ситуација на клубот.

На крајот на септември Милошевиќ по четири години се врати на клупата на Партизан, а на тренерското место на „црно-белите“ го замени Александар Станојевиќ.

Партизан моментно е на второто место на табелата во српската Суперлига со 31 бод од 15 натпревари.