Првиот човек на Сојузот на синдикатите, Слободан Трендафилов, е оптимист за зголемувањето на минималната плата.

Тој вечерва во гостување на ТВ21 порача дека е неопходно што поскоро да се зголемат платите во државата.

„Ако ги прашувате работодавачите, денеска сè уште ќе им работевме за десет илјади денари, меѓутоа во равенката не се прашуваат само работодавачите, се прашуваат работниците – оние кои им го ствараат капиталот на работодавачите. Добро платени работници се и продуктивни работници. Неопходно е што поскоро зголемување на платите. ССМ е конзистентен во неговите барања – минимална плата од 450 евра побаравме на 1 Мај“, рече меѓу другото Трендафилов.