Архива на СП

Трамп за победата доби честитки од албанските политичари

Албанскиот опозициски пратеник Љуљзим Баша од редот на демократите му ја честиташе на Доналд Трамп за победата и враќањето во Белата куќа.

Преку честитка на платформата Икс, Баша вели дека враќањето на Трамп во Белата куќа е историско и изразува уверување дека односите меѓу САД и Албанија ќе продолжат да се продлабочуваат.

„Срдечни честитки до Доналд Трамп за неговата голема победа и историското политичко враќање во Белата куќа. Сигурен сум дека големото пријателство и сојуз на Албанија со САД ќе се продлабочи, благодарение на цврстата поддршка од американскиот народ. На секој клучен чекор во историјата на нашата нација, Албанците беа благословени од поддршката и пријателството на САД. Да го продолжиме ова прекрасно патување на слободата и демократијата, обединети во нашата вера и посветеност на нашите заеднички вредности и верувања“, напиша Баша на платформата Икс.

Албанскиот премиер Еди Рама исто така на Икс му ја честиташе на Трамп “извонредната победа“.

„Беше вистинска чест да се работи заедно со 46-тиот претседател на Соединетите Држави за зајакнување на врската меѓу нашите две земји. Со нетрпение ја очекувам големата привилегија да работам со 47-ми претседател и понатаму“, напиша Рама на Икс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот