Американскиот претседател Доналд Трамп ја смени првично поставената тарифата за пакети вредни помалку од 800 долари на 30% од вредноста на пратката или 25 долари, па новата стапка ќе биде 90% од вредноста на пратката или 75 долари.

Со оваа извршна наредба Трамп, тројно ги зголемува тарифите што претходно ги објави за пакетите со мала вредност извезени во САД од Кина преку меѓународниот поштенски систем.

Новата цена ќе биде 90% од вредноста на пратката или 75 долари, а по 1 јуни ќе се зголеми на 150 долари.

До оваа година, пратките вредни помалку од 800 долари, познати како de minimis пакети, беа ослободени од царина.

Оваа категорија без царини имаше значителна корист од кинеските онлајн малопродажни гиганти како што се Шејн и Тему, кои испраќаат производи директно до американските потрошувачи преку меѓународна пошта.