Американскиот претседател Доналд Трамп изјави дека „апсолутно“ ќе разгледа повторно бомбардирање на нуклеарните постројки на Иран доколку смета дека е потребно.

„Секако, без сомнение, апсолутно“, им рече Трамп на новинарите во брифингот во Белата куќа кога беше прашан дали би размислил за бомбардирање на земјата доколку идните разузнавачки извештаи укажат на загрижувачки заклучок за збогатувањето на ураниум на Иран, објави CNN (CNN).

Трамп рече дека не верува оти Иран би можел „наскоро да се врати на нуклеарно оружје“, по американските напади врз неговите нуклеарни постројки минатиот викенд.

Тој додаде дека не е загрижен за тајните нуклеарни постројки на Иран кога бил прашан за можноста, што укажува дека земјата засега е повеќе фокусирана на опстанок.

„Можам да ви кажам – тие се исцрпени. И Израел е исто така исцрпен. И работев со двете страни, и двете сакаа да го решат тоа. Направивме одлична работа. Но, тие се исцрпени. Последното нешто за кое сега размислуваат е нуклеарно оружје. Знаете што мислат? Тие размислуваат за утре, тие се обидуваат да живеат“, рече Трамп.