Доналд Трамп нема да се вози низ Лондон во обична лимузина, туку во легендарниот „Ѕвер“, претседателско возило кое изгледа како мешавина помеѓу оклопен тенк и автомобил на Бонд. Со своите осум до десет тони и речиси четири сантиметри оклоп, Cadillac One е опремен со импресивен спектар на направи: од можноста да испушта масло и чад за да ги збуни непријателите, до гуми кои можат да продолжат да возат дури и кога се целосно испразнети, до херметички затворена кабина со сопствен довод на кислород, па дури и кесички крв што одговараат на крвната група на претседателот, пренесува хрватски „Тпортал“.

Куршум би застанал на прозорците кои се дебели повеќе од 12 сантиметри, но луксузот на ентериерот го крие фактот дека ова е најтешкиот и најцврстиот седан на патот.

Иако забрзува до 100 км/ч за само околу 15 секунди и троши приближно 60 литри на 100 километри, цената на „Ѕверот“ од околу 1,4 милиони евра, со повеќе од 14 милиони евра потрошени за развој, доволно зборува за неговата ексклузивност и статус.

Токму во овој автомобил Трамп се вози низ улиците на Лондон, на пат од Виндзор до Чекерс – селскиот имот на британскиот премиер. Таму ќе го пречека Сер Кир Стармер, заедно со неговата сопруга.

Трамп размени подароци со кралот Чарлс: Книга, реплика на меч и скапоцен дијамантски накит