Американскиот претседател Доналд Трамп минатиот месец телефонски го повика норвешкиот министер за финансии за да разговара за трговските тарифи, но американскиот претседател постави и прашање за Нобеловата награда за мир, објави денес норвешкиот бизнис весник „Дагенс Наерингслив“.

„Министерот за финансии Јенс Столтенберг шетал по улиците на Осло, кога Доналд Трамп одеднаш го повикал“, објави весникот, повикувајќи се на неименувани извори, и додаде дека американскиот лидер сакал да разговара за тарифите, но и за неговата желба да ја освои Нобеловата награда.

Норвешкиот весник ги цитираше зборовите на Столтенберг, кој рече дека телефонскиот разговор бил поврзан со трговските тарифи и економската соработка пред разговорот на Трамп со премиерот Јонас Сторе.