Американскиот претседател Доналд Трамп одговори на навредите од музичарот Брус Спрингстин, кој го нарече предавник на Америка.

„Многу чудни, страшни и опасни работи се случуваат таму во моментов. Во Америка, луѓето се прогонувани затоа што го користат своето право на слобода на говор и изразуваат несогласување. Тоа се случува сега“, рече Спрингстин на концерт во Англија, пред да зборува против Трамп и неговата администрација.

Трамп не молчеше кога стигна веста за коментарите на Брус Спрингстин.

На својата платформа „Трут соушал“ (Truth Social), Трамп го нарече Спрингстин „исушена слива на рокенролот“ и рече дека тој „не е талентиран човек“.

Се чини дека американскиот претседател се предомислил за талентот на музичарот, со оглед на тоа што претходно неколку пати ја користел песната на Спрингстин „Born in the USA“ за време на неговите политички кампањи.

Трамп претходно беше критичен кон поп-ѕвездата Тејлор Свифт, а неговиот последен осврт кон Брус Спрингстин ја поттикна Американската федерација на музичари (AFM) да издаде официјално соопштение во кое го поддржува Брус Спрингстин.