Американскиот претседател Доналд Трамп се закани дека ќе го скрати рокот од 50 дена што му го даде претходно на Владимир Путин за да се согласи на прекин на огнот во Украина, велејќи дека е длабоко разочаран од ставот на рускиот претседател.

Одговарајќи на новинарско прашање за војната во Украина, американскиот претседател рече дека многу пати разговарал со Путин и двајцата пет пати биле многу блиску до договор.

„Разговарав со претседателот Путин многу пати, се сложувавме многу добро“, рече тој, додавајќи дека однесувањето на рускиот лидер му предизвикало големо разочарување.

BREAKING: Trump:

I am going to reduce that 50 days that I gave to Putin to a lesser number. pic.twitter.com/bC9qF9vKsd

— Clash Report (@clashreport) July 28, 2025

„И потоа одеднаш излегува и почнува да фрла ракети врз градови како Киев, убивајќи стари лица во домови за стари лица или било кого на улица, со тела насекаде“, карактеристично рече Трамп.

„Ќе ги намалам тие 50 дена што му ги дадов на помал број, бидејќи мислам дека веќе го знам одговорот на тоа што ќе се случи“, додавајќи дека тоа ќе биде „за 10-12 дена од денес“.

Трамп постојано повторува дека би можел брзо да ја заврши војната во Украина доколку повторно биде избран, но не презентираше никаков конкретен план.