Новоизбраниот американски претседател Доналд Трамп го повика Врховниот суд на САД да го суспендира спроведувањето на федералниот закон со кој би се забранила популарната социјална мрежа „ТикТок“ или ефективно би се принудиле нејзините сопственици да ја продадат.

„ТикТок“ и неговиот сопственик, кинеската корпорација „Бајтденс“ се обидуваат со правни мерки да ја задржат популарната онлајн апликација во САД, откако Конгресот во април гласаше за забраната која треба да стапи во сила доколку кинеската матична компанија на апликацијата не го продаде „ТикТок“ до 19 јануари.

Врховниот суд се согласи да го разгледа случајот и сега одлуката за иднината на „ТикТок“ е во рацете на највисокиот американски судски орган.