Американскиот претседател Доналд Трамп денес во Абу Даби потврди дека Соединетите Американски Држави и Обединетите Арапски Емирати (ОАЕ) постигнале договор за воспоставување механизам што ќе им овозможи на Емиратите да ги купат најнапредните американски чипови со капацитети за процеси на вештачка интелигенција.

„Вчерашниот договор предвидува воспоставување пат за Обединетите Арапски Емирати да можат да купат некои од најнапредните полупроводници за вештачка интелигенција произведени од американски компании. Тоа е многу голема работа“, рече Трамп на појадокот на Бизнис советот на САД и Емиратите.

Обединетите Арапски Емирати со години инвестираат милијарди долари во развој на инфраструктурата за вештачка интелигенција, со амбиција да станат глобален центар за оваа технологија, објавува CNN.