Македонските репрезентивки Нена Трајчевска и Анџелика Митрашновиќ во новата сезона ќе настапуваат во странство.

Трајчевска која минатата сезона со Бадел 1862 ја освои шампионската титула, во новата сезона ќе настапува за шпанскиот второлигаш Понтеведра.

Ова е уште едне интернационален трансфер за нашата искусна кошаркарка. Претходно крилото во напито женски сениорски национален тим, играше во Германија, Србија, Шведска и Турција.

Најдобрата македонска кошаркарка за 2021 година и капитен на репрезентацијата, Анџелика Митрашиновиќ потпиша за екипата на Монтана од Стара Загора.

Потписот со Монтана ќе биде само продолжение на интернационалната кариера на Митрашиновиќ, која во годините наназад настапуваше за Челик и Бановиќи (БиХ), Будуќност-Подгорица (Црна Гора), а во Бугарија, 177 сантиметри високата кошаркарка доаѓа како играч на францускиот Тарбес.

Претходно, Митрашиновиќ беше дел и од најдобрите екипите во Македонија, Бадел 1862, Баскет Кам 2011 и вардар, како и Изградба Комерц (екс Младинец) од Скопје.