Две туристички, едната од Велика Британија другата од Нов Зеланд беа убиени од слон додека беа на сафари во национален парк во Замбија, соопшти полицијата во африканската земја.

Жртвите, на возраст од 68 и 67 години, беа нападнати од слоница со нејзиното младенче.

Сафари водичите кои беа со групата се обидоа да го сопрат слонот пред тој да ги нападне жените пукајќи кон него.

Слонот беше погоден и повреден од истрелите, но водичите не беа во можност да го спречат нападот и двете жени беа убиени на самото место.

Трагичниот инцидент се случи во Националниот парк Јужна Луангва во Источна Замбија, на околу 600 километри од главниот град Лусака.

Женките слонови се исклучително заштитнички настроени кон своите млади и можат да реагираат агресивно ако забележат закана.